هذه القصيدة اهداء لكل شهداء عيون الحرية ( شارع الجزار محمد محمود سابقا ) و كل ميادين الحرية في مصر و الوطن العربي
اهداء خاص الى أحمد البرديسي
ملحمة عيون الحرية
أنا نفسي حكي حكاية ... حدوتة مصرية
تتكتب ألف رواية... بالدم مروية
عن أبطال ماتو ... لأجل بلدنا تعيش
ده حتى من غير أمل ... الحلم مابيجيش
وبايدينا العمل ... و الهمة و النية
ولا يهمنا دمنا ... ولا حتى لقمة عيش
دي الحياة ولا تسوى ... من غير حرية
والجبن يا سادة ... ميعرفش تضحية
ده حتى البرلمان .. مش باسم الديموقراطية
ده باسم شهيد مات جعان
عالأسفلت جوه الميدان
باسم محمد و مينا
خالد وسالي
و كل انسان
يرفض يعيش مفيش
يرفض يعيش جبان
كلمة بكتبها بدمايا في كل مكان
أسامي الشهدا يا سادة معصومة من النسيان
تشهد عليهم القصايد ... يشهد الدمع اللي فايض
يشهد عليهم البرد ... تشهد عليهم نومة الأسفلت
تشهد عليهم قنابل الدخان ... يشهد رصاص الأمريكان
تشهد عليهم كل خيمة اتنصبت جوه الميدان
تشهد عليهم كل نسمة مرت في الوجود
يشهد عليهم رصيف محمد محمود
أسف ... يشهد عيون الحرية
2011/12/جمعة رد اعتبار الشهداء 2
ليست هناك تعليقات:
إرسال تعليق