عليّ الصوت
اللي بيهتف مش هيموت
عليّ وعليّ وعليّ الصوت
خلاص ملينا السكوت
كنا شعب يدوبك لاقي ياكل
و ريس ساكن في بيت من ياقوت
قالها عمر من ألف عام
و لا حد في بلادي يجوع
لكن ده ساب شعبه في الذل عام
و الفقير مالجوع يموت
عليّ وعليّ وعليّ الصوت
خلاص ملينا السكوت
و الشعب ... فاق
اتحول صوته في الميدان نداء
صرخة عداء
ضد النظام
ضد الحرام
ضد التعذيب جوه الظلام
ضد إعتقال بإسم السلام
و ضد كل بياع كلام
ده كان انتقام
عشان واحد يبيع جسـمه لأجـل ما يأكل عيالـه
و التاني عشان في مجلس منافق شبعان ... و
مبسوط
عليّ وعليّ وعليّ الصوت
خلاص ملينا السكوت
ليست هناك تعليقات:
إرسال تعليق